बोनस

बोनस त त्यो हरियो

पत्ति, चोर औंला र 

बुड़ी औंलाको खेल हो

पेटको यात्रामा थप सुख यो।

झट्टारोले निभ्दैन आगो

पेटको सुत्र अलग्गै छ हजुर!

ति मुनाहरूसितको माया हो

हाम्रा पुर्खाको आस्थाको यात्रा हो ।

स्लिम टि, ओलोङ टि, मिक्स टि

भन्दै नाम दिदैं स्वाद लिदा

बिचारा यी कर्मिहरू रूझेको

तिमीले कहाँ देख्छौ र?

कति निष्ठुरी छ तिम्रो तन्त्र

भोको पेट खटेको देख्दा

कहाँ राखी आँउछौ मानवता

जब बस्छौ घुमाउने मेजमा!

कलम किन लरखड़ाउछ ?

तिम्रा शब्द लहरहरू टिपेर

किन बीसले स्थान पाएन

प्रश्न छ दशैंमा पौरखी हातको??