परिवर्तन

हेर्दा हेर्दै 

समयले कोल्टे फेर्छ

उ हिढ़े जस्तो लाग्छ

तर चप्पल जहाँ छ

त्यही नै छ.....

उ बोले जस्तो लाग्छ

तर त्यो उ होईन

झझल्को र सपना

बिपना भन्दा

अमर पो हुन्छ क्यार

मनमा सम्हाल्न

कति गाहारो छ

त्यो अनुभव 

स्पर्शका छापहरू

यसो सुमसुम्याई हेर्छु

तर झसङ हुदा

त्यो हिज होईन

न नै त्यो भोली हो

तर उ सितको सम्झना

आउने दिनहरमा

झल्यास्स झल्यास्स आउदा

आँखा चिम्ली हेर्छु

मुस्कुराउदै प्रश्न सोध्न खोज्छु

उ कतै हुन्न..

फर्की हेर्छु हाँसे जस्तो लाग्छ

मौन ममबत्तीको

टिल बिल टिल बिल

लप्काले मलाई गिज्याउछ

फर्क अब फर्क

अबका आउने दिनहरूमा

तिमी अब एक्लो छौ

सत्य तितो छ तर यथार्त

हो म आज एक्लो छु

भोली उ पनि एक्लो हुनेछ

तिमी पनि ता होईन र??

हेर्दा हेर्दै

समयले युग बदल्छ

मेरो अस्तित्व बिलिन हुन्छ

राम्रा राम्रा कुराले

रिक्त स्थान ओकटन थाल्छ

अनि यो मनैले महरम लगाउछ

आखिर म भित्रको

 उसलाई खोस्न नखोज

कैदछन ती पलहरू

छितिज सत्य नहोला

तर स्पर्श र स्नेह

माया ममता साथ छ

हेर्दा हेर्दै

समयले कोल्टे फेर्छ

फेरी नयाँ युग आउछ

जहाँ म ......म हैन

केवल उनिहरू मात्र

फेरी मिठा मिठा कल्पनामा

उ फेरी हिड़ने छ।।